"Сельта" бош мураббийи Рафаэль Бенитес "Барселона"га қарши ўйиндаги мағлубият (2:3) ҳақида ўз фикрларини билдирди.
“Сельта” 2:0 ҳисобида олдинда бораётганди ва сенсацияга бир қадам қолганди, бироқ каталонияликлар асосий вақтнинг сўнгги ўн дақиқасида киритилган учта гол эвазига вазиятни ўнглашга муваффақ бўлишди.
"Ўйлашимча, якуний натижа бугунги ўйин манзарасини акс эттирмайди. Ҳаммаси футболчиларнинг маҳоратига боғлиқ. "Барселона"да турли профилдаги кўплаб сифатли ўйинчилар бор, улар бундан фойдаланадилар. Улар буни ҳар доим қилишлари мумкин, шунинг учун улар совринларга даъвогарлик қилишади", - дея Бенитеснинг сўзларидан иқтибос келтиради Barca Universal.
“Барселона” жорий Ла Лиганинг 6 туридан кейин 16 очкога эга. "Сельта"да эса бор-йўғи тўрт очко бор.
