Pul tikishda ayblanib chetlatilgan "Brentford" hujumchisi Ayvon Toniga Angliya futbol assosiasiyasi mashg‘ulotlarni davom ettirishga ruxsat berdi. Bu haqda The Sun nashri xabar bermoqda.

Manbaga ko‘ra, 27 yoshli angliyalik futbolchi o‘zining individual darsi vaqtida tasvirga olingan. Klub hech qanday qoida buzilmaganini qayd etdi.

O‘tgan mavsumda Toni "Brentford" safida 35 ta o‘yinda maydonga tushib, 21 ta gol urdi va 5 ta golga assistentlik qildi. Avvalroq, futbolchiga Londonning "Chelsi" klubi faol qiziqish bildirayotgani xabar qilingandi. Qishda bu transfer amalga oshishi kutilmoqda.