Пул тикишда айбланиб четлатилган "Брентфорд" ҳужумчиси Айвон Тонига Англия футбол ассоциацияси машғулотларни давом эттиришга рухсат берди. Бу ҳақда The Sun нашри хабар бермоқда.
Манбага кўра, 27 ёшли англиялик футболчи ўзининг индивидуал дарси вақтида тасвирга олинган. Клуб ҳеч қандай қоида бузилмаганини қайд этди.
Ўтган мавсумда Тони "Брентфорд" сафида 35 та ўйинда майдонга тушиб, 21 та гол урди ва 5 та голга ассистентлик қилди. Аввалроқ, футболчига Лондоннинг "Челси" клуби фаол қизиқиш билдираётгани хабар қилинганди. Қишда бу трансфер амалга ошиши кутилмоқда.
