Biroz oldin Gollandiya chempionati doirasida «Ayaks» va «Feyenoord» o‘rtasidagi muhim uchrashuv start olgandi.
Rotterdamlik mehmonlar birinchi bo‘limda 9, 18 va 37-daqiqalarda raqib darvozasiga to‘p kiritib, 3:0 hisobini yuzaga keltirib qo‘ygandi.
Biroq tanaffusga biroz vaqt qolganida o‘yin «Ayaks» muxlislarining harakatlari tufayli to‘xtatildi.
Maydonda sodir bo‘layotgan voqealardan norozi bo‘lib, ular maysazorga pirotexnika otishni boshladilar.
Hakam hushtak chalib, futbolchilarni tinchlantirishga chaqirdi. Tez orada o‘yin davom ettirildi.
E’tiborlisi, «Ayaks» hozirda Gollandiya chempionati turnir jadvalida atigi 13-o‘rinni egallab turibdi.
