Бироз олдин Голландия чемпионати доирасида «Аякс» ва «Фейеноорд» ўртасидаги муҳим учрашув старт олганди.

Роттердамлик меҳмонлар биринчи бўлимда 9, 18 ва 37-дақиқаларда рақиб дарвозасига тўп киритиб, 3:0 ҳисобини юзага келтириб қўйганди.

Бироқ танаффусга бироз вақт қолганида ўйин «Аякс» мухлисларининг ҳаракатлари туфайли тўхтатилди.

Майдонда содир бўлаётган воқеалардан норози бўлиб, улар майсазорга пиротехника отишни бошладилар.

Ҳакам ҳуштак чалиб, футболчиларни тинчлантиришга чақирди. Тез орада ўйин давом эттирилди.

Эътиборлиси, «Аякс» ҳозирда Голландия чемпионати турнир жадвалида атиги 13-ўринни эгаллаб турибди.