O‘zbekiston delegatsiyasi g‘aznasi yana bir oltin medal bilan boyidi. Bayroqdorimiz Muzaffarbek To‘raboyev dzyudo bo‘yicha -100 kg vazn toifasida chempionlikni qo‘lga kiritib, ushbu Osiyo o‘yinlaridagi beshinchi oltin medalimizni keltirdi.

Hamyurtimiz qiziqarli kechgan final bahsida mo‘g‘ulistonlik Gonchigsuren Batxuyagni ippon bahosi bilan mag‘lubiyatga uchratdi.

Shu tariqa, O‘zbekiston delegatsiyasi hisobidagi oltin medallar soni beshtaga yetdi. Shuningdek, hisobimizda 6 ta kumush va 8 ta bronza medallari bor.