Yarim himoyachi Alexandro Papu Gomes Italiyaning "Monsa" klubi futbolchisiga aylanadi, deb xabar beradi Sky Sports Italia.
Manbaga ko‘ra, Italiya klubi 35 yoshli futbolchi bilan shartnoma shartlarini kelishib olgan. Gomes 29 sentyabr kuni tibbiy ko‘rikdan o‘tadi.
1 sentyabr kuni “Sevilya” argentinalik futbolchi bilan shartnomani bekor qilganini e’lon qildi. Gomes klub safida barcha musobaqalarda 90ta o‘yin o‘tkazib, 10ta gol va 6ta golli uzatmani amalga oshirgan. Ispaniya jamoasi tarkibida futbolchi Yevropa ligasida g‘olib chiqdi. Shuningdek, 2022 yilda Qatardagi JCHda Argentina bilan chempion bo‘lgan.
U avvalroq A Seriyada "Atalanta" safida to‘p tepgan.