Ярим ҳимоячи Алехандро Папу Гомес Италиянинг "Монца" клуби футболчисига айланади, деб хабар беради Sky Sports Italia.
Манбага кўра, Италия клуби 35 ёшли футболчи билан шартнома шартларини келишиб олган. Гомес 29 сентябрь куни тиббий кўрикдан ўтади.
1 сентябрь куни “Севилья” аргентиналик футболчи билан шартномани бекор қилганини эълон қилди. Гомес клуб сафида барча мусобақаларда 90та ўйин ўтказиб, 10та гол ва 6та голли узатмани амалга оширган. Испания жамоаси таркибида футболчи Европа лигасида ғолиб чиқди. Шунингдек, 2022 йилда Қатардаги ЖЧда Аргентина билан чемпион бўлган.
У аввалроқ А Серияда "Аталанта" сафида тўп тепган.