Avvalroq xabar berilganidek, o‘tgan yili Asker Najafaliyev OFKning hakamlar bilimini oshirish uchun tashkil etilgan maxsus akademiyasini tamomlagan edi.

Bugun, 29 sentyabr kuni OFK tomonidan yuborilgan xatda uning akademiya yakunlariga ko‘ra qayd etgan natijalari e’lon qilindi. Unga ko‘ra Batch-2018 OFK hakamlar akademiyasida 4 yildan ortiq muddat davomida tahsil olgan FIFA hakamimiz uni A toifada yakunlashga erishgani ma’lum bo‘ldi.

Ushbu natijasi orqali Asker Najafaliyev OFK Elit hakamlar paneliga kiritilib, OCHL, Osiyo o‘yinlari, Osiyo kubogi, Jahon chempionatlari va boshqa nufuzli xalqaro turnirlarda ishlash imkoniyatiga ega chiqdi.

"Asker Najafaliyevni ushbu natijasi bilan tabriklaymiz va kelgusi faoliyatida omadlar tilaymiz!" - deyiladi O‘zbekiston futbol hakamlari markazi bayonotida.