Tajribali germaniyalik himoyachi, Fransiyaning “Lion” klubidan ketganidan so‘ng erkin agent bo‘lib qolgan Jerom Boateng faoliyatini “Real”da davom ettirmoqchi. Bu haqda Bild nashri xabar bermoqda.
Manbaning xabar berishicha, 35 yoshli futbolchi o‘z xizmatlarini "qirollik" klubi prezidenti Florentino Peresga taklif qilgan. "Los-Blankos" rahbariyatining bunga munosabati hozircha noma’lum.
Eslatib o‘tamiz, Jerom 2021 yildan 2023 yilgacha "Lion" sharafini himoya qilgan. O‘tgan mavsumda Boateng sakkizta o‘yinda ishtirok etgan.