Тажрибали германиялик ҳимоячи, Франциянинг “Лион” клубидан кетганидан сўнг эркин агент бўлиб қолган Жером Боатенг фаолиятини “Реал”да давом эттирмоқчи. Бу ҳақда Bild нашри хабар бермоқда.
Манбанинг хабар беришича, 35 ёшли футболчи ўз хизматларини "қироллик" клуби президенти Флорентино Пересга таклиф қилган. "Лос-Бланкос" раҳбариятининг бунга муносабати ҳозирча номаълум.
Эслатиб ўтамиз, Жером 2021 йилдан 2023 йилгача "Лион" шарафини ҳимоя қилган. Ўтган мавсумда Боатенг саккизта ўйинда иштирок этган.