Huquqlari Bilbaoning «Atletik» klubiga tegishli bo‘lgan 21 yoshli ispaniyalik hujumchi Niko Uilyams faoliyatini Angliya Premyer-ligasida davom ettirish imkoniyatiga ega.
Bu haqda Fichajes jurnalistlari xabar bermoqda.
Manbaga ko‘ra, istiqbolli futbolchini o‘z safiga «Brayton» qo‘shib olmoqchi. Ingliz klubi keyingi transfer oynasida futbolchini o‘ziga tortishga harakat qiladi.
Ispaniya chempionatining joriy mavsumida Uilyams to‘rtta o‘yin o‘tkazib, ikkita golli uzatmani amalga oshirdi.
Hujumchining mehnat shartnomasi 2024 yilning yozida tugaydi va uning transfer narxi 30 million yevroni tashkil qiladi.
