«Dinamo» futbolchisi Dmitriy Skopinsev OAV vakillari bilan suhbatda sobiq jamoadoshi Arsen Zaxaryanning «Real»ga o‘tish imkoniyatlari haqida o‘z fikri bilan o‘rtoqlashdi.
So‘nggi transfer oynasida 20 yoshli rossiyalik futbolchi «Real Sosyedad» futbolchisiga aylandi.
«U birinchi navbatda «Sosyedad»da asosiy bo‘g‘inga aylanishi kerak.
«Real Madrid» ko‘pchilik uchun yakuniy nuqta bo‘lishi kerak. Ammo u hali bu yerda asosiy o‘yinchiga aylanmagan bo‘lsa, qanday qilib taxmin qilish mumkin. Umid qilamizki, hammasi kutganimizdek bo‘ladi», - dedi Skopinsev.
Zaxaryan 13 million yevro evaziga «Real Sosyedad»ga o‘tdi. Yarim himoyachi ispan klubi bilan 2029 yilning iyun oyi oxirigacha uzoq muddatli mehnat shartnomasi imzoladi.