Angliya chempionatining 7-turi doirasida «Tottenxem» va «Liverpul» klublari o‘zaro Londonda to‘qnash kelishdi. Uchrashuv voqealarga boy bo‘ldi.

Mehmonlar futbolchisi Jons 26-daqiqada raqib oyog‘iga butsaning tishlari bilan tashlangani uchun VAR yordamida maydondan chetlatildi. Oradan ko‘p o‘tmasdan Son Xyong Min "shporlar"ni oldinga olib chiqqan bo‘lsa, taym so‘ngida Gakpo muvozanatni tikladi.

Diogu Jota esa ikkinchi taym o‘rtalarida bir daqiqa ichida ikkita sariq kartochka olib, maydonni tark etdi. Natijada "Liverpul" maydonda to‘qqiz kishi bo‘lib qoldi.

"Tottenxem" ikkinchi bo‘limga qo‘shib berilgan 6-daqiqada g‘alabani ilib ketishga erishdi. Darvoza yaqiniga yetkazilgan to‘pni Joel Matip o‘z darvozasiga burib yubordi.

Ushbu g‘alaba tufayli "Tottenxem" o‘z ochkolarini 17taga yetkazib, jadvalda 2-o‘ringa ko‘tarilib oldi. "Liverpul" esa 16 ochko bilan 4-pog‘onaga tushdi.

APL, 7-tur
Tottenxem – Liverpul 2:1 (1:1, 1:0)
Gollar: 1:0 – 36 Son Xyong Min, 1:1 – 45 Gakpo, 2:1 – 90, avtogol Matip.
Tottenxem – Vikario, Porro, Romero, van de Ven, Udoji (Devis, 83), Meddison (Velis, 90), Bissuma (Xeybyerg, 90), Kulusevski, Sarr (Skipp, 83), Son Xyong Min (Solomon, 69), Risharlison.
Liverpul – Alisson, Gomes (Konate, 73), Matip, van Deyk, Robertson, Soboslai, Mak Allister (Gravenberx, 80), Jons, Salax (Aleksander-Arnold, 74), Dias (Endo, 73), Gakpo (Diogu Jota, 46).
Ogohlantirishlar: Mak Allister (40), Udoji (45), Salax (65), Diogu Jota (68), Robertson (87), Bissuma (88), Romero (89), van Deyk (90), Porro (90), Velis (90).
Chetlatishlar: Jons (26), Diogu Jota (69).