"Liverpul" markaziy himoyachisi Virjil van Deyk Angliya Premyer-ligasining 7-turida Londonning "Tottenxem" jamoasidan uchralgan mag‘lubiyatdan (1:2) keyingi fikrlari bilan o‘rtoqlashdi.
"Mag‘lubiyatlarga chidash hech qachon oson emas. Lekin bu o‘yinda jamoa ahilligini ko‘rish yoqimli bo‘ldi. Murabbiy bu haqda bizga kiyim almashtirish xonasida aytdi. So‘nggi daqiqalarda gol o‘tkazib yuborish juda shafqatsiz bo‘ldi", - dedi niderlandiyalik himoyachi BBC Sport bilan suhbatda.
Angliya chempionatining yetti turidan so‘ng "mersisaydliklar" 16 ochko jamg‘arib, turnir jadvalida to‘rtinchi o‘rinni egallab turibdi. Yurgen Klopp shogirdlari peshqadam “Manchester Siti”dan ikki ochko ortda qolmoqda.
