"Ливерпуль" марказий ҳимоячиси Виржил ван Дейк Англия Премьер-лигасининг 7-турида Лондоннинг "Тоттенхэм" жамоасидан учралган мағлубиятдан (1:2) кейинги фикрлари билан ўртоқлашди.
"Мағлубиятларга чидаш ҳеч қачон осон эмас. Лекин бу ўйинда жамоа аҳиллигини кўриш ёқимли бўлди. Мураббий бу ҳақда бизга кийим алмаштириш хонасида айтди. Сўнгги дақиқаларда гол ўтказиб юбориш жуда шафқатсиз бўлди", - деди нидерландиялик ҳимоячи BBC Sport билан суҳбатда.
Англия чемпионатининг етти туридан сўнг "мерсисайдликлар" 16 очко жамғариб, турнир жадвалида тўртинчи ўринни эгаллаб турибди. Юрген Клопп шогирдлари пешқадам “Манчестер Сити”дан икки очко ортда қолмоқда.
