Kay Xavers yozda "Arsenal"ga o‘tganidan keyin tanqidlarga uchradi. Nemis futbolchi shanba kuni "kanonirlar" uchun birinchi golini kiritdi. APL doirasida "Bornmut" jamoasiga qarshi o‘yinda belgilangan penaltini aniq amalga oshirdi.
O‘yindan so‘ng “Arsenal” futbolchilari Xaversni qo‘llab-quvvatladilar. Shu tariqa, Martin Edegor va Deklan Rays ijtimoiy tarmoqlarda nemis futbolchisini uning o‘yini uchun maqtagan postlar qoldirishdi. Ehtimol, gol va unga hamroh bo‘lgan reaksiya Xavers uchun burilish nuqtasi bo‘lar.
“Arsenal” navbatdagi o‘yinini 3-oktyabr, seshanba kuni Chempionlar ligasi guruh bosqichi 2-turida “Lans”ga qarshi o‘tkazadi.
