"Shtutgart" "Bavariya" darvozaboni Aleksandr Nyubelning to‘liq transferini amalga oshirishni istamoqda.
27 yoshli futbolchi joriy mavsum oxirigacha myunxenliklar klubidan ijaraga olingan. Shartnomada sotib olish varianti mavjud emas, ammo "Shtutgart" darvozabon bilan uzoq muddatli hamkorlikka umid qilayotganini yashirmaydi: “Biz Nyubel bo‘yicha muzokaralarda juda qat’iyatli edik – darvozabonlar murabbiyimiz unga kuniga bir necha marta qo‘ng‘iroq qildi. Bu futbolchi bizga to‘g‘ri kelishini darhol angladik. Ko‘ramiz, u bizda olti yoki yetti yil qoladimi", - deya "Shtutgart" sport direktori Fabian Volgemutdan iqtibos keltiradi Sport1.
Joriy mavsumda Aleksandr Nyubel yettita o‘yinda maydonga tushib, yettita gol o‘tkazib yubordi.