"Штутгарт" "Бавария" дарвозабони Александр Нюбелнинг тўлиқ трансферини амалга оширишни истамоқда.

27 ёшли футболчи жорий мавсум охиригача мюнхенликлар клубидан ижарага олинган. Шартномада сотиб олиш варианти мавжуд эмас, аммо "Штутгарт" дарвозабон билан узоқ муддатли ҳамкорликка умид қилаётганини яширмайди: “Биз Нюбел бўйича музокараларда жуда қатъиятли эдик – дарвозабонлар мураббийимиз унга кунига бир неча марта қўнғироқ қилди. Бу футболчи бизга тўғри келишини дарҳол англадик. Кўрамиз, у бизда олти ёки етти йил қоладими", - дея "Штутгарт" спорт директори Фабиан Вольгемутдан иқтибос келтиради Sport1.

Жорий мавсумда Александр Нюбел еттита ўйинда майдонга тушиб, еттита гол ўтказиб юборди.