"Arsenal" markaziy himoyachisi Vilyam Saliba Fransiya terma jamoasining asosiy futbolchisiga aylanishga umid qilmoqda.
Klub miqyosida muvaffaqiyat qozonganiga qaramay, 22 yoshli futbolchi hali terma jamoada o‘z o‘rnini topa olmadi. Didye Desham Salibani o‘nta o‘yinda maydonga tushirgan - ularning yarmida yosh markaziy himoyachi zaxiradan maydonga tushdi.
"Gap shundaki, men hozir Fransiya terma jamoasida zaxiradaman. Men asosiy tarkibdan joy olish uchun kurashishim kerak va buning uchun men bundan ham yaxshiroq o‘yin ko‘rsatishim kerak bo‘ladi", - dedi Saliba Telefoot nashriga bergan intervyusida.
Joriy mavsumda Saliba “Arsenal” safida 9 ta o‘yin o‘tkazib, bitta golli uzatmani amalga oshirdi.
