Turinning «Yuventus» klubi rahbariyati jamoa yarim himoyachisi Adriyen Rabyo bilan hamkorlikni uzaytirishdan manfaatdor. Bu haqda Mail Sport xabar bermoqda.
Manbaning xabariga ko‘ra, «keksa sinyora» fransiyalik futbolchiga yangi uzoq muddatli mehnat shartnomasini taklif qilishga hozirlik ko‘rmoqda. Futbolchining o‘zi Italiya grandi lagerida qolishga qarshi emas.
Adriyen 2019 yildan beri turinliklar safida o‘ynab kelmoqda. Tomonlar o‘rtasidagi amaldagi shartnoma kelasi yilning yozida yakuniga yetadi.
Joriy mavsumda Rabyo yettita o‘yinda maydonga tushib, bitta gol urdi va ikkita golli uzatmani amalga oshirdi.
