Туриннинг «Ювентус» клуби раҳбарияти жамоа ярим ҳимоячиси Адриен Рабьо билан ҳамкорликни узайтиришдан манфаатдор. Бу ҳақда Mail Sport хабар бермоқда.
Манбанинг хабарига кўра, «кекса синёра» франциялик футболчига янги узоқ муддатли меҳнат шартномасини таклиф қилишга ҳозирлик кўрмоқда. Футболчининг ўзи Италия гранди лагерида қолишга қарши эмас.
Адриен 2019 йилдан бери туринликлар сафида ўйнаб келмоқда. Томонлар ўртасидаги амалдаги шартнома келаси йилнинг ёзида якунига етади.
Жорий мавсумда Рабьо еттита ўйинда майдонга тушиб, битта гол урди ва иккита голли узатмани амалга оширди.