«Real»ning yangi futbolchisi Jud Bellingem «qirollik» klubidagi o‘yinlari haqida gapirdi.

«O‘zimni jamoada ajoyib his qilyapman. Bu yerda men futboldan zavqlanaman. Madrid klubi futbolkasini kiyib, maydonda qo‘limdan kelganini qilishga harakat qilaman», - dedi ingliz yarim himoyachisi.

Bellingem o‘tgan yozda «Borussiya Dortmund»dan «Real Madrid»ga o‘tgan edi. Bitim summasi 103 million yevroni tashkil etdi.

Joriy mavsumda 20 yoshli yarim himoyachi 8 ta uchrashuvda ishtirok etib, 7 ta gol urdi va 2 ta golli uzatmani amalga oshirdi.