«Реал»нинг янги футболчиси Жуд Беллингем «қироллик» клубидаги ўйинлари ҳақида гапирди.

«Ўзимни жамоада ажойиб ҳис қиляпман. Бу ерда мен футболдан завқланаман. Мадрид клуби футболкасини кийиб, майдонда қўлимдан келганини қилишга ҳаракат қиламан», - деди инглиз ярим ҳимоячиси.

Беллингем ўтган ёзда «Боруссия Дортмунд»дан «Реал Мадрид»га ўтган эди. Битим суммаси 103 миллион еврони ташкил этди.

Жорий мавсумда 20 ёшли ярим ҳимоячи 8 та учрашувда иштирок этиб, 7 та гол урди ва 2 та голли узатмани амалга оширди.