"Roma" yarim himoyachisi Leandro Paredes jamoadan nima kutayotgani haqida gapirdi.
Rimliklar mavsumni omadsiz boshlashdi, A Seriyaning oltita turida atigi bitta g‘alaba qozonishdi. Yakshanba kuni Joze Mourinyo shogirdlari “Frozinone”ni mag‘lub etib (2:0) chempionatdagi bir qator muvaffaqiyatsizliklarga barham berishdi.
“Biz bugun faqat bitta maqbul natija borligini bilardik - g‘alaba. Bu bizga ishonch qozonish uchun kerak edi va maqsadimizga erishdik.
Bizda sifatli yosh va tajribali futbolchilardan iborat yaxshi tarkib bor. Biz A Seriyadagi har qanday raqib bilan raqobatlasha oladigan darajada kuchlimiz. Biz raqiblarimiz qanchalik kuchli ekanini bilamiz, lekin biz o‘zimizga ishonamiz", - deya Paredesning so‘zlarini keltiradi jurnalist Alfredo Pedulla.
