"Рома" ярим ҳимоячиси Леандро Паредес жамоадан нима кутаётгани ҳақида гапирди.
Римликлар мавсумни омадсиз бошлашди, А Сериянинг олтита турида атиги битта ғалаба қозонишди. Якшанба куни Жозе Моуриньо шогирдлари “Фрозиноне”ни мағлуб этиб (2:0) чемпионатдаги бир қатор муваффақиятсизликларга барҳам беришди.
“Биз бугун фақат битта мақбул натижа борлигини билардик - ғалаба. Бу бизга ишонч қозониш учун керак эди ва мақсадимизга эришдик.
Бизда сифатли ёш ва тажрибали футболчилардан иборат яхши таркиб бор. Биз А Сериядаги ҳар қандай рақиб билан рақобатлаша оладиган даражада кучлимиз. Биз рақибларимиз қанчалик кучли эканини биламиз, лекин биз ўзимизга ишонамиз", - дея Паредеснинг сўзларини келтиради журналист Альфредо Педулла.
