Madridning "Real" klubi prezidenti Florentino Peres La Liga 8-turida "Jirona"ga qarshi o‘yinda (3:0) kataloniyaliklar hujumchisi Portuga nisbatan juda qo‘pol o‘ynagan Nachoning harakati uchun shaxsan uzr so‘radi.

Insayder Nil Saulning ijtimoiy tarmoqlar orqali xabar berishicha, "Los-Blankos" prezidenti "Jirona" futbolchisiga qo‘ng‘iroq qilib, Nachoning harakati uchun kechirim so‘radi. Eslatib o‘tamiz, Fernandes ushbu qoidabuzarligi uchun qizil kartochka bilan jazolangan edi.

Madridning “Real” klubi “Jirona”ni 3:0 hisobida mag‘lub etdi. Karlo Anchelotti shogirdlari 21 ochko jamg‘arib, Ispaniya chempionati turnir jadvalida birinchi o‘rinda bormoqda.