"Liverpul" yarim himoyachisi Aleksis Makallister bir necha o‘yinga diskvalifikasiya qilinishi mumkin.
Sky Sports nashri xabariga ko‘ra, argentinalik futbolchi Angliya Premyer-ligasining so‘nggi turida "Tottenxem"ga qarshi o‘yindan keyin aytgan so‘zlari uchun jazolanishi mumkin.
Gap shundaki, Makallister “Tottenxem”ning 2:1 hisobidagi g‘alabasi bilan yakunlangan o‘yindagi hakamlikdan norozi bo‘ldi. "Liverpul" o‘sha o‘yinda ikkita qizil kartochka oldi va kiritilmagan goldan ham mahrum bo‘ldi. Uchrashuvdan so‘ng Makallister 12-o‘yinchi "Tottenxem"ga yordam berganini aytib, uchrashuv hakamiga sha’ma qildi.
Argentinalik futbolchi uchun diskvalifikasiya muddati qancha bo‘lishi hozircha noma’lum.
