"Ливерпуль" ярим ҳимоячиси Алексис Макаллистер бир неча ўйинга дисквалификация қилиниши мумкин.
Sky Sports нашри хабарига кўра, аргентиналик футболчи Англия Премьер-лигасининг сўнгги турида "Тоттенхэм"га қарши ўйиндан кейин айтган сўзлари учун жазоланиши мумкин.
Гап шундаки, Макаллистер “Тоттенхэм”нинг 2:1 ҳисобидаги ғалабаси билан якунланган ўйиндаги ҳакамликдан норози бўлди. "Ливерпуль" ўша ўйинда иккита қизил карточка олди ва киритилмаган голдан ҳам маҳрум бўлди. Учрашувдан сўнг Макаллистер 12-ўйинчи "Тоттенхэм"га ёрдам берганини айтиб, учрашув ҳакамига шаъма қилди.
Аргентиналик футболчи учун дисквалификация муддати қанча бўлиши ҳозирча номаълум.