"Lasio" bosh murabbiyi Maurisio Sarri tez orada ishini yo‘qotishi mumkin. La Gazzetta dello Sport nashri xabariga ko‘ra, "burgutlar" bosh murabbiyi va prezidenti Klaudio Lotito o‘rtasidagi ziddiyat kuchaymoqda.
Sarri avvalroq rahbariyatni o‘tgan yozda uning transfer maqsadlari sotib olinmagani uchun tanqid qilgan edi. Qolaversa, "Lasio" hozirda Italiya chempionatida yaxshi natija ko‘rsatmayapti - turnir jadvalida 15-o‘rinda bormoqda. Jamoa A Seriyadagi yetti uchrashuvning ikkitasida g‘alaba qozondi.
Sarrining "Lasio" bilan shartnomasi 2025 yilning yozida yakuniga yetadi. Bungacha italiyalik mutaxassis “Napoli”, “Yuventus”, “Chelsi” kabi klublarni boshqargan.