"Лацио" бош мураббийи Маурицио Сарри тез орада ишини йўқотиши мумкин. La Gazzetta dello Sport нашри хабарига кўра, "бургутлар" бош мураббийи ва президенти Клаудио Лотито ўртасидаги зиддият кучаймоқда.
Сарри аввалроқ раҳбариятни ўтган ёзда унинг трансфер мақсадлари сотиб олинмагани учун танқид қилган эди. Қолаверса, "Лацио" ҳозирда Италия чемпионатида яхши натижа кўрсатмаяпти - турнир жадвалида 15-ўринда бормоқда. Жамоа А Сериядаги етти учрашувнинг иккитасида ғалаба қозонди.
Саррининг "Лацио" билан шартномаси 2025 йилнинг ёзида якунига етади. Бунгача италиялик мутахассис “Наполи”, “Ювентус”, “Челси” каби клубларни бошқарган.
