"Manchester Yunayted" bosh murabbiyi Erik ten Xag Chempionlar ligasi guruh bosqichi 2-turidan o‘rin olgan "Galatasaroy"ga qarshi o‘yin oldidan himoyachi Lisandro Martines oyog‘idan olgan jarohati tufayli ikkinchi operasiyani o‘tkazishini aytdi.
"Tasdiqlashim mumkinki, Martines jarrohlik amaliyotidan o‘tishi kerak", - dedi ten Xag matbuot anjumanida.
29 sentyabr kuni "mankunianliklar" matbuot xizmati 25 yoshli argentinalik futbolchi shu yilning aprel oyida oyog‘idan olgan jarohati qaytalanishi sababli uzoq muddatga safdan chiqqanini ma’lum qilgandi. Joriy mavsumda himoyachi “Manchester Yunayted” safida 6 ta o‘yinda maydonga tushib, bitta golli uzatmani amalga oshirdi.
"Manchester Yunayted" va "Galatasaroy" uchrashuvi ertaga, 3 oktyabr kuni bo‘lib o‘tadi.
