"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичи 2-туридан ўрин олган "Галатасарой"га қарши ўйин олдидан ҳимоячи Лисандро Мартинес оёғидан олган жароҳати туфайли иккинчи операцияни ўтказишини айтди.
"Тасдиқлашим мумкинки, Мартинес жарроҳлик амалиётидан ўтиши керак", - деди тен Хаг матбуот анжуманида.
29 сентябрь куни "манкунианликлар" матбуот хизмати 25 ёшли аргентиналик футболчи шу йилнинг апрель ойида оёғидан олган жароҳати қайталаниши сабабли узоқ муддатга сафдан чиққанини маълум қилганди. Жорий мавсумда ҳимоячи “Манчестер Юнайтед” сафида 6 та ўйинда майдонга тушиб, битта голли узатмани амалга оширди.
"Манчестер Юнайтед" ва "Галатасарой" учрашуви эртага, 3 октябрь куни бўлиб ўтади.
