O‘tgan yozda "Manchester Yunayted" dastlab Turinning "Yuventus" klubi yarim himoyachisi Adriyen Rabioni nishonga olgan va fransiyalik futbolchini erkin agent sifatida o‘z safiga qo‘shib olmoqchi bo‘lgan. Oxir-oqibat, mankunianliklar Adriyenni taklif qilish haqidagi fikrlarini o‘zgartirib, o‘rniga Londonning "Chelsi"sidan Meyson Maunt bilan shartnoma imzoladilar. Bu haqda jurnalist Fabrisio Romano ijtimoiy tarmoqlarda xabar bermoqda.
Eslatib o‘tamiz, Rabio yakunda "Yuventus" bilan shartnomasini bir yilga uzaytirdi. "Manchester Yunayted" Maunt uchun 65 million yevro to‘lagan. Futbolchi mavsum boshida kichik jarohat olgandi, biroq hozirda safga qaytishga muvaffaq bo‘lgan.
"Manchester Yunayted" APLda mavsum boshidayoq 4 marta mag‘lubiyat alamini totib ko‘rdi.