Ўтган ёзда "Манчестер Юнайтед" дастлаб Туриннинг "Ювентус" клуби ярим ҳимоячиси Адриен Рабиони нишонга олган ва франциялик футболчини эркин агент сифатида ўз сафига қўшиб олмоқчи бўлган. Охир-оқибат, манкунианликлар Адриенни таклиф қилиш ҳақидаги фикрларини ўзгартириб, ўрнига Лондоннинг "Челси"сидан Мэйсон Маунт билан шартнома имзоладилар. Бу ҳақда журналист Фабрицио Романо ижтимоий тармоқларда хабар бермоқда.
Эслатиб ўтамиз, Рабио якунда "Ювентус" билан шартномасини бир йилга узайтирди. "Манчестер Юнайтед" Маунт учун 65 миллион евро тўлаган. Футболчи мавсум бошида кичик жароҳат олганди, бироқ ҳозирда сафга қайтишга муваффақ бўлган.
"Манчестер Юнайтед" АПЛда мавсум бошидаёқ 4 марта мағлубият аламини тотиб кўрди.