“An-Nasr” Osiyo chempionlar ligasi guruh bosqichi 2-turida o‘z maydonida Dushanbening (Tojikiston) “Istiqlol” jamoasini mag‘lub etdi – 3:1.
Mehmonlar hujumchisi Sebai Seninning 44-daqiqada kiritgan goliga mezbonlar uchta gol bilan javob qaytarishdi. Uchrashuvning 66-daqiqasida Krishtianu Ronaldu gol urdi, oradan 11 daqiqa o‘tib Anderson Taliska dubl qayd etdi.
“E” guruhida “An-Nasr” 6 ochko bilan peshqadamlik qilmoqda. Osiyo chempionlar ligasining navbatdagi uchrashuvida saudiyaliklar 24 noyabr kuni “Al-Duhail” (Qatar)ni qabul qiladi. “Istiqlol” 1 ochko bilan turnir jadvalini yakunlab turibdi. Osiyo chempionlar ligasining navbatdagi turida Tojikiston klubi 24-kuni kuni mehmonda Eronning “Persepolis” jamoasiga qarshi bahs olib boradi.
