“Ан-Наср” Осиё чемпионлар лигаси гуруҳ босқичи 2-турида ўз майдонида Душанбенинг (Тожикистон) “Истиқлол” жамоасини мағлуб этди – 3:1.
Меҳмонлар ҳужумчиси Себаи Сениннинг 44-дақиқада киритган голига мезбонлар учта гол билан жавоб қайтаришди. Учрашувнинг 66-дақиқасида Криштиану Роналду гол урди, орадан 11 дақиқа ўтиб Андерсон Талиска дубль қайд этди.
“E” гуруҳида “Ан-Наср” 6 очко билан пешқадамлик қилмоқда. Осиё чемпионлар лигасининг навбатдаги учрашувида саудияликлар 24 ноябрь куни “Ал-Дуҳаил” (Қатар)ни қабул қилади. “Истиқлол” 1 очко билан турнир жадвалини якунлаб турибди. Осиё чемпионлар лигасининг навбатдаги турида Тожикистон клуби 24-куни куни меҳмонда Эроннинг “Персеполис” жамоасига қарши баҳс олиб боради.
