“Fiorentina” bu yil top-5 ligalardagi eng sermahsul uch jamoadan biri.
A seriyaning 7-turida Florensiya jamoasi “Kalyari” ustidan yirik hisobda g‘alaba qozondi (3:0). Hozir ularning hisobida 2023 yilgi barcha musobaqalarda 83 ta gol bor.
"Fiorentina" yil boshidan beri urilgan gollar bo‘yicha top-5 liga klublari orasida uchinchi o‘rinni egallab turibdi. Faqatgina “Manchester Siti” (109 ta gol) va “Real” (92 ta gol) ko‘proq gol urishgan.
Top 5 ligada urilgan gollar soni bo‘yicha kuchli 5 ta klub quyidagicha:
1. «Manchester Siti» – 109;
2. «Real» – 92;
3. «Fiorentina» – 83;
4. «Manchester Yunayted» – 81;
5. «Bavariya» – 80.
“Fiorentina” hozirda 14 ochko bilan A Seriya turnir jadvalida 5-o‘rinda bormoqda. 5 oktyabr kuni Vinchenso Italiano shogirdlari Konferensiyalar ligasi doirasida “Ferensvarosh” bilan uchrashadi.
