Luka Modrichga "Inter Mayami" qiziqish bildirmoqda.

Avvalroq, "Real"ning sobiq hujumchisi va sport direktori Predrag Miyatovich Lionel Messi Modrichni o‘z jamoasida ko‘rishni xohlayotgani, xorvatiyalik esa klub xo‘jayini Devid Bekxem bilan tushlik qilgani haqida aytgandi.

Sky Sports jurnalisti Florian Plettenberg yarim himoyachiga "Inter" qiziqish bildirayotgani haqidagi ma’lumotni tasdiqladi: uning ma’lumotlariga ko‘ra, Bekxem futbolchini taklif qilishga qiziqmoqda.

Qayd etilishicha, Modrich "Real"ni tark etishga yaqin turibdi, biroq ayni damda bor e’tiborini Madrid jamoasiga qaratgan, chunki u yana asosiy futbolchiga aylanishni istamoqda. Uning shartnomasi mavsum oxirigacha amal qiladi.

38 yoshli futbolchi joriy mavsumda “Real” safida barcha musobaqalarda 7 ta o‘yinda 287 daqiqa maydonga tushdi.