Лука Модричга "Интер Майами" қизиқиш билдирмоқда.
Аввалроқ, "Реал"нинг собиқ ҳужумчиси ва спорт директори Предраг Миятович Лионель Месси Модрични ўз жамоасида кўришни хоҳлаётгани, хорватиялик эса клуб хўжайини Девид Бекхэм билан тушлик қилгани ҳақида айтганди.
Sky Sports журналисти Флориан Плеттенберг ярим ҳимоячига "Интер" қизиқиш билдираётгани ҳақидаги маълумотни тасдиқлади: унинг маълумотларига кўра, Бекхэм футболчини таклиф қилишга қизиқмоқда.
Қайд этилишича, Модрич "Реал"ни тарк этишга яқин турибди, бироқ айни дамда бор эътиборини Мадрид жамоасига қаратган, чунки у яна асосий футболчига айланишни истамоқда. Унинг шартномаси мавсум охиригача амал қилади.
38 ёшли футболчи жорий мавсумда “Реал” сафида барча мусобақаларда 7 та ўйинда 287 дақиқа майдонга тушди.
