Osiyo Chempionlar Ligasi guruh bosqichining 2-turida “Paxtakor” Saudiya Arabistonida “Al-Fayha” klubi mehmoni bo‘lib, imkoniyatni boy berdi.

Maksim Shaskix shogirdlari 1-turda "Al-Ayn"ga qarshi bo‘lib o‘tgan bahsga nisbatan yaxshiroq o‘ynadi. Ammo maydonda Dragan Cheranning yo‘qligi sezildi. Boisi, toshkentliklar ko‘pgina vaziyatlarni golga aylantira olishmadi. Raqib esa ko‘p hujum uyushtirmasa, o‘z imkoniyatlaridan juda samarali foydalanib, o‘yinni o‘z foydasiga hal qildi.

Uchrashuvning 10-daqiqasida Abdulhamid Sobiriy 18 metrlardan kuchli va aniq zarba bilan hisobni ochgan bo‘lsa, uning o‘zi 72-daqiqada himoyadagi xato tufayli Quvvatov bilan yuzma-yuz holatga chiqib ketdi va vaziyatdan unumli foydalanib, hisobdagi farqni oshirdi.

Po‘latxo‘ja Xoldorxonov aniqroq zarba berganida 2 ta gol urishi mumkin edi. Yakunda esa "Paxtakor" OCHLdagi ikkinchi mag‘lubiyatni qabul qilib oldi. "Al-Fayha" esa ilk turda Turkmanistonda mag‘lub bo‘lgach, o‘z hisobiga dastlabki 3 ochkoni yozib qo‘ydi.

OCHL. "A" guruhi, 2-tur
"Al-Fayha" - "Paxtakor" - 2:0
Gollar: Abdulhamid Sobiriy (10, 72)
"Al-Fayha": Ahmad Kassar, Muhammad Baqavi, Konan, Sami Haybari, Muxir Rashidi, Junior Sakala, Riller, Sulton Mandash, Abdulrahmon Safari, Abdulhamid Sabiri, Antoni Nvakayeme.
"Paxtakor": Quvvatov, Alijonov, Stinvorden, Azmiddinov, Sayfiyev, Hamrobekov, Sobirxo‘jayev (Merk, 77), Xolmatov (Asqarov, 77), Hamdamov (Hamdamov, 63), Turg‘unboyev, Banashak (Kuxarchik, 46).