«Real» yarim himoyachisi Federiko Valverde Jud Bellingem haqida o‘z fikrlarini aytdi.
20 yoshli angliyalik Ispaniyaga ko‘chib o‘tganidan beri debyut mavsumini ajoyib boshladi, to‘qqizta o‘yinda sakkizta gol va 3ta golli uzatmani amalga oshirdi. Seshanba kuni yarim himoyachi «Real»ga Chempionlar ligasida «Napoli»ni mag‘lub etishga yordam berdi (3:2), gol urdi va golli uzatma berdi.
«Bellingem ajoyib futbolchi ekanligini hamma biladi, lekin u qanday buyuk shaxs ekanligini ham ta’kidlash kerak.
Jud ajoyib yigit, ajoyib jamoadosh, juda saviyali o‘yinchi. O‘ylaymanki, u bir kun kelib «Real Madrid» sardori bo‘ladi. Buning uchun kerak bo‘lgan hamma narsaga ega», - deya Valverdening so‘zlarini keltiradi Madrid Zone.
