«Реал» ярим ҳимоячиси Федерико Вальверде Жуд Беллингем ҳақида ўз фикрларини айтди.
20 ёшли англиялик Испанияга кўчиб ўтганидан бери дебют мавсумини ажойиб бошлади, тўққизта ўйинда саккизта гол ва 3та голли узатмани амалга оширди. Сешанба куни ярим ҳимоячи «Реал»га Чемпионлар лигасида «Наполи»ни мағлуб этишга ёрдам берди (3:2), гол урди ва голли узатма берди.
«Беллингем ажойиб футболчи эканлигини ҳамма билади, лекин у қандай буюк шахс эканлигини ҳам таъкидлаш керак.
Жуд ажойиб йигит, ажойиб жамоадош, жуда савияли ўйинчи. Ўйлайманки, у бир кун келиб «Реал Мадрид» сардори бўлади. Бунинг учун керак бўлган ҳамма нарсага эга», - дея Вальверденинг сўзларини келтиради Madrid Zone.
