Londonning «Arsenal» klubi Bilbaoning «Atletik» klubi futbolchisi Niko Uilyamsga da’vogarlar ro‘yxatidan joy oldi.
Mish-mishlarga ko‘ra, avvalroq xabar qilinganidek, 21 yoshli futbolchiga «Barselona», «Manchester Siti», «Real Madrid» va «Aston Villa» klublari qiziqish bildirmoqda.
Jurnalist Ekrem Ko‘nurning xabariga ko‘ra, «Arsenal» Uilyamsni qo‘lga kiritish uchun kurashga qo‘shilgan.
Istiqbolli ispaniyalikning «Atletik» bilan shartnomasi joriy mavsum oxirida yakuniga yetadi, bu esa futbolchiga bo‘lgan qiziqishni oshirgan.
Joriy mavsumda Niko Uilyams basklar jamoasi uchun beshta o‘yin o‘tkazib, to‘rtta golli uzatmani qayd etdi. Transfermarkt portali vingerning narxini 30 million yevroga baholamoqda.
