Лондоннинг «Арсенал» клуби Бильбаонинг «Атлетик» клуби футболчиси Нико Уильямсга даъвогарлар рўйхатидан жой олди.

Миш-мишларга кўра, аввалроқ хабар қилинганидек, 21 ёшли футболчига «Барселона», «Манчестер Сити», «Реал Мадрид» ва «Астон Вилла» клублари қизиқиш билдирмоқда.

Журналист Экрем Кўнурнинг хабарига кўра, «Арсенал» Уильямсни қўлга киритиш учун курашга қўшилган.

Истиқболли испанияликнинг «Атлетик» билан шартномаси жорий мавсум охирида якунига етади, бу эса футболчига бўлган қизиқишни оширган.

Жорий мавсумда Нико Уильямс басклар жамоаси учун бешта ўйин ўтказиб, тўртта голли узатмани қайд этди. Transfermarkt портали вингернинг нархини 30 миллион еврога баҳоламоқда.