«Milan» bosh murabbiyi Stefano Pioli Kristian Pulishich haqida gapirdi.
Amerikalik futbolchi o‘tgan yozda Londonning «Chelsi» klubidan «rossonerilar» safiga ko‘chib o‘tgan edi.
Ilgari, 2015 yildan 2019 yilgacha Pulishich «Borussiya»da o‘ynagan, shuning uchun u Dortmund stadioni muhiti va jamoaning o‘yin tamoyillari bilan yaxshi tanish.
«Kristian uchun bu o‘yin uning Chempionlar ligasidagi 50-uchrashuvi bo‘ladi. Biz uning tarixi haqida gaplashdik va u «Borussiya»ga qarshi o‘yinda nima qilishimiz kerakligini aytdi.
U bu jamoa bilan qanday o‘ynash bo‘yicha qimmatli maslahatlar berdi», - dedi Pioli.
Eslatib o‘tamiz, «Borussiya» va «Milan» bahsi bugun tunda bo‘lib o‘tadi.
