«Милан» бош мураббийи Стефано Пиоли Кристиан Пулишич ҳақида гапирди.

Америкалик футболчи ўтган ёзда Лондоннинг «Челси» клубидан «россонерилар» сафига кўчиб ўтган эди.

Илгари, 2015 йилдан 2019 йилгача Пулишич «Боруссия»да ўйнаган, шунинг учун у Дортмунд стадиони муҳити ва жамоанинг ўйин тамойиллари билан яхши таниш.

«Кристиан учун бу ўйин унинг Чемпионлар лигасидаги 50-учрашуви бўлади. Биз унинг тарихи ҳақида гаплашдик ва у «Боруссия»га қарши ўйинда нима қилишимиз кераклигини айтди.

У бу жамоа билан қандай ўйнаш бўйича қимматли маслаҳатлар берди», - деди Пиоли.

Эслатиб ўтамиз, «Боруссия» ва «Милан» баҳси бугун тунда бўлиб ўтади.