Londonning "Chelsi" klubi himoyachisi Ben Chilvell Liga kubogi doirasidagi "Brayton"ga qarshi o‘yinda (1:0) olgan jarohati haqida fikr bildirdi. Futbolchi jarohat sabab ikki oyni o‘tkazib yuboradi.
“Yomon seriya davom etmoqda. Men juda xafaman. Karerada ko‘tarilishlar va pasayishlar bo‘ladi. Bu hayot. Barchamiz bor e’tiborimizni “Chelsi”ni yana yuqoriga olib chiqishga qaratganmiz. Muxlislarga mehr va qo‘llab-quvvatlaganliklari uchun katta rahmat aytmoqchiman", - deya xabar beradi klub matbuot xizmati.
Joriy mavsumda himoyachi London jamoasi safida yettita o‘yin o‘tkazib, bitta golli uzatmani amalga oshirdi.
