May oyida Madridning «Real» klubi hujumchisi Vinisius Junior La Liga doirasida «Valensiya»ga qarshi safar o‘yinida irqchilikka duch kelgan edi.
Braziliyalik futbolchi payshanba kuni sudda ish yuzasidan ko‘rsatma berdi. Matbuot xabariga ko‘ra, Vinisius o‘zini alohida shaxslar emas, balki butun «Mestalya» stadioni tahqirlaganini aytgan.
«Valensiya» bu holat yuzasidan bayonot berdi. Klub hayratda ekanini va noroziligini bildirdi. «Ko‘rshapalaklar» irqchilikka mutlaqo toqat qilmasliklarini bildirishdi, biroq klubning barcha muxlislarini irqchi deb tasniflab bo‘lmaydi, deya hisoblaydi.
Bayonotda «Valensiya» Vinisiusdan o‘zining taxminiy bayonotini ochiqchasiga rad etishni talab qildi.
