Май ойида Мадриднинг «Реал» клуби ҳужумчиси Винисиус Жуниор Ла Лига доирасида «Валенсия»га қарши сафар ўйинида ирқчиликка дуч келган эди.

Бразилиялик футболчи пайшанба куни судда иш юзасидан кўрсатма берди. Матбуот хабарига кўра, Винисиус ўзини алоҳида шахслар эмас, балки бутун «Месталья» стадиони таҳқирлаганини айтган.

«Валенсия» бу ҳолат юзасидан баёнот берди. Клуб ҳайратда эканини ва норозилигини билдирди. «Кўршапалаклар» ирқчиликка мутлақо тоқат қилмасликларини билдиришди, бироқ клубнинг барча мухлисларини ирқчи деб таснифлаб бўлмайди, дея ҳисоблайди.

Баёнотда «Валенсия» Винисиусдан ўзининг тахминий баёнотини очиқчасига рад этишни талаб қилди.